حابة اطرح لكم سالفة تقرقع بقلبي
بس قبل كل شيء احب اقول اني اتكلم هنا عن مجتمعي وما اعممه على كل المجتمع انا اتكلم هنا عن اعتقاد لدى فئة كبيرة في مجتمعنا الخليجي وبالاخص السعودي
ارجع اقول انهم مو كل السعودية كذا بس هالفئة هي اللي انولدت فيها وتربيت معها لكن اكره كثير من مفاهيمها المغلوطة
ارجع لسالفتي واللي باقولها بالعامي اسهل لي
اللحين ليش نظام الزواج عندنا كذا ؟؟
مررره غباء
يعني اوكي مجتمع محافظ ماقلنا شيء بس سالفة اني طول عمري ما احتك بالرجال الا من بعيد جدا لبعيد جدا وبحذر وخوف ثم فجأة في يوم يدخلون علي رجال ويصكون علينا باب لحالنا ويقولون تزوجتي!!!!
بصراحة هالسالفة عجزت استوعبها
انتم متخيلين معي حجم الرعب اللي بتكون فيه العروس!
انا الصراحة اتوقع بتجيني صدمة نفسية او شيء من هالقبيل
صحيح نتعالج عند دكاترة رجال ونتسوق من بياعين رجال بس كله من بعيد جدا لبعيد جدا ويكون معي احد ومكان عام وبحذر
في بيئتي ومن صغري وانا اسمع محاضرات وكلام من داعيات ومشايخ وكلها تحريم وتحذير ووعيد شديد من العلاقات بين الجنسين وان الرجال ماهم الا ذئااااب بشرية؟!!
حتى في بعض المسلسلات اذا اكتشفوا علاقة بين بنتهم واحد مافيه الا ذبح وقتل
احس صارت عندنا عقدة من الرجال
وهالكلام التحذير كنت اسمعه في البيت وفي المدرسة لما يكون عندنا حصة فراغ يجيبون داعية تحاضر علينا او يجيبون المسجل وشريط والشيخ يقعد يحاضر ويحذر ويتوعد ونفس الشيء في المراكز الصيفية ودور التحفيظ وكثير من الاماكن اللي نروح لها
خلااااااااااااااص ذبحونا
مجتمع يبغض كلمة جنس
يحذر بشدة من الذكور وحتى من السوالف البسيطة عنهم
يعتقد ان المراة كائن منحرف او قابل بشدة للانحراف وبالتالي يدعو للتشدد الانغلاق العزلة
والاختلاط عاد هذي كلمة مرعبة عند المجتمع
وما انسى ذاك الشيخ "يوسف الاحمد" اللي يطالب بهدم الحرم المكي واعادة بناءه عشان يتم فصل النساء عن الرجال وما يكون فيه اختلاط
والله شر البلية ما يضحك
بس قبل كل شيء احب اقول اني اتكلم هنا عن مجتمعي وما اعممه على كل المجتمع انا اتكلم هنا عن اعتقاد لدى فئة كبيرة في مجتمعنا الخليجي وبالاخص السعودي
ارجع اقول انهم مو كل السعودية كذا بس هالفئة هي اللي انولدت فيها وتربيت معها لكن اكره كثير من مفاهيمها المغلوطة
ارجع لسالفتي واللي باقولها بالعامي اسهل لي
اللحين ليش نظام الزواج عندنا كذا ؟؟
مررره غباء
يعني اوكي مجتمع محافظ ماقلنا شيء بس سالفة اني طول عمري ما احتك بالرجال الا من بعيد جدا لبعيد جدا وبحذر وخوف ثم فجأة في يوم يدخلون علي رجال ويصكون علينا باب لحالنا ويقولون تزوجتي!!!!
بصراحة هالسالفة عجزت استوعبها
انتم متخيلين معي حجم الرعب اللي بتكون فيه العروس!
انا الصراحة اتوقع بتجيني صدمة نفسية او شيء من هالقبيل
صحيح نتعالج عند دكاترة رجال ونتسوق من بياعين رجال بس كله من بعيد جدا لبعيد جدا ويكون معي احد ومكان عام وبحذر
في بيئتي ومن صغري وانا اسمع محاضرات وكلام من داعيات ومشايخ وكلها تحريم وتحذير ووعيد شديد من العلاقات بين الجنسين وان الرجال ماهم الا ذئااااب بشرية؟!!
حتى في بعض المسلسلات اذا اكتشفوا علاقة بين بنتهم واحد مافيه الا ذبح وقتل
احس صارت عندنا عقدة من الرجال
وهالكلام التحذير كنت اسمعه في البيت وفي المدرسة لما يكون عندنا حصة فراغ يجيبون داعية تحاضر علينا او يجيبون المسجل وشريط والشيخ يقعد يحاضر ويحذر ويتوعد ونفس الشيء في المراكز الصيفية ودور التحفيظ وكثير من الاماكن اللي نروح لها
خلااااااااااااااص ذبحونا
مجتمع يبغض كلمة جنس
يحذر بشدة من الذكور وحتى من السوالف البسيطة عنهم
يعتقد ان المراة كائن منحرف او قابل بشدة للانحراف وبالتالي يدعو للتشدد الانغلاق العزلة
والاختلاط عاد هذي كلمة مرعبة عند المجتمع
وما انسى ذاك الشيخ "يوسف الاحمد" اللي يطالب بهدم الحرم المكي واعادة بناءه عشان يتم فصل النساء عن الرجال وما يكون فيه اختلاط
والله شر البلية ما يضحك
بصراحة ما قد فكرت بتاثير انفصال الرجال عن النساء في مجتمعنا والمفاهيم المغلوطة اللي تنغرس في البنات عن الرجال الا يوم قرب زواجي وحسيت بهالرعب
جيل بناتي لايمكن اخليهم يمرون بالاخطاء اللي مريت فيها انا
وجيلي
انا ما ادعو للعلاقات المحرمة بين الجنسين انا ادعو للانفتاح البسيط يعني في المدارس للاطفال وفي الجامعات لكن بحدود في الملاعب الرياضية
وما نعطي بناتنا افكار سيئة عن الرجال ولا نصورهم على انهم ذئاب بشرية
وبس
طلعت اللي في قلبي......^_^
مبدعه : وش يعني تبين البنات يدرسون مع الاولاد في الجامعه هل هذا قصدك ؟
ردحذفعموما قضية وجود ( رهبة ) من زوجك شي طبيعي جدا
ولعلمك الشعور اللي تشعرين به يشعر به الزوج كذلك
وجود الرهبة امر طبيعي وليس لاننا مجتمع محافظ
حتى بنات المجتمع المنفتح في لية الزواج تشعر برهبه وخوف وان لم تظهر ذلك
الله يوفقك في حياتك ولاتشيلين هم حاولي تجاهل شعورك
آمال
آمال
ردحذفلا مو قصدي يدرسون مع بعض
اقصد يكون من ضمن الدكاترة اللي يدرسونا يكونون رجال ونتكلم معاهم بشكل طبيعي مو في شاشة ومايك وحالة
بنات المجتمع المنفتح طبيعي يكون عندهم رهبة بس مو مثلنا خوف ورعب لدرجة ان ما نستمتع بطلعاتنا وبقعدتنا مع بعض بسبة الخوف والرعب
ويوفقك انتي يارب
ما اتصور انه بيفرق المايك والشاشه عن اللقاء المباشر
ردحذفهي مسألة تعود فقط من تعودت على مهاتفة مشائخ مثلا او اطباء عادي ستتكلم بطلاقه لكن من لم تتعود سيكون هناك نوع من الرهبه وهذا امر طبيعي
آمال
أزال المؤلف هذا التعليق.
ردحذفمعليش يعني الدين له حدود
ردحذفانتي تريدين حريه وانفتاح قليل مثلا
لكن نفسها لو الدكتور في الجامعه دخل يحاضر قدامك
بتضرين تنقبين وفيه ضيقه لمنا تكونين طول الوقت في العباءه
أما سالفة الشيخ يوسف الاحمد فهو بشر في النهايه يصيب ويخطيء
وكلامه ماكان قصده يهدم الكعبه لكن الليبرالين تصيدوا كلمته وفسروا كيف شاؤوا
هو قال الحرم يهدم ماقال الكعبه وعلى فكره الحرم هدم قبل كذا
وانتي تقولين انك ماتدعين للعلاقات المحرمه وماعلمت بأن مطالبك هي طريق لبدء العلاقات المحرمه
أما سالفة انك ماتتكلمين عن الرجال يمكن مجتمعك لكن احنا عادي أتكلم عنه وما اخاف منه
لاتكوني سببا في تغيير قناعات أشخاص وتأخذي اثمهم الى يوم القيامه
الدين نص بالصريح بأن المرأه تتستر وتبتعد عن الرجال الاجانب وأنتي تقولين مفروض بالجامعات ومدري ايش
والدين ليس على الهوى أكيد المشايخ ماقالوه الا على علم وأنتي تعتبرين صغيره بالنسبه لهم تأتين وتشككين في صدق كلامهم وتطالبين على النقيض مما قالوا
يعني لانك خفتي شوي من الزواج حسيتي ان كلام اهل الدين غلط واننا مجتمع منغلق وووو
هو امر طبيعي جدا عند كل وحده مقبله على الزواج
ولا تنخدعي بالغرب وافكارهم واللليبرالين فهم والله مايريدوننا الا شعب منحط مثل مجتمعاتهم التي تكثر فيها الزنا والاغتصاب
والدين ما حرم عنك شيء الا صيانه وحفظ لك
وفقك الله ورزقك القول الثابت في الحياة الدنيا
* sara ahmed